Teksa pak orë na ndajnë nga përballja Shqipëri-Serbi që do të organizohet në stadiumin “Air Albania” në Tiranë, shqiptarët e Kosovës kanë paralizuar qarkullimin në Rrugën e Kombit.
Me mijëra makina shikohen të rreshtuara në radhët kilometrike të trafikut.
Ndonëse shumë prej tyre mund të mos kenë bileta për të qenë prezentë në stadium për këtë përballje historike, ata janë shfaqur të gatshëm për të ndezur atmosferën nëpër rrugët e vendit.
Me flamuj në duar dhe plot entuziastë për ndeshjen, dëshira e shqiptarëve për të qenë në Shqipëri në këtë ditë, është më e madhe sesa lodhja apo vapa e padurueshme e këtyre orëve.
