Dy partitë kryesore të vendit, Partia Demokratike dhe Partia Socialiste, kanë dorëzuar raportet financiare për fushatën zgjedhore të 11 majit 2025 në Komisionin Qendror të Zgjedhjeve. Të dhënat zyrtare tregojnë se, ndonëse PS fitoi shumicën dërrmuese me 83 mandate, ishte PD ajo që shpenzoi më shumë gjatë fushatës.
Partia Demokratike
Të ardhura totale: 227.1 milionë lekë
Shpenzime totale: 213 milionë lekë
Burime kryesore:
Nga vetë partia: 171 milionë lekë
Nga fondet publike: 44.8 milionë lekë
Nga individë dhe persona juridikë: rreth 11.3 milionë lekë
Detyrime të papaguara: 13.8 milionë lekë
Nuk janë marrë hua apo kredi për financimin e fushatës.
Partia Socialiste
Të ardhura totale: 180 milionë lekë
Shpenzime totale: 169.5 milionë lekë
Burime kryesore:
Nga vetë partia: 103.7 milionë lekë
Nga fondet publike: 65.2 milionë lekë
Nga individë: 10.9 milionë lekë
Nuk ka raportuar detyrime të papaguara apo kredi.
Në përfundim, diferenca mes dy forcave është e ndjeshme: PD shpenzoi rreth 43 milionë lekë më shumë se PS gjatë fushatës së 11 majit, megjithëse rezultati elektoral favorizoi socialistët.
Të dyja partitë deklarojnë transparencë të plotë, duke theksuar se financimet janë bërë brenda kornizës ligjore dhe pa mbështetje nga burime të paidentifikuara.