TIRANË– Teksa ka kaluar më shumë se një muaj nga vdekja e ish-deputetit të PD-së, Gert Bogdani, bashkëshortja e tij, Edlira Çepani, përmes një postimi në Facebook ka rikujtuar babanë e fëmijëve të saj, duke ndarë një video nga një emision ku fliste sesi është njohur me Gertin.
“Ndërkohë që rishoh këto emisione të viteve të shkuara, vazhdoj ta falenderoj Zotin çdo ditë për ty Gerti im. E falenderoj që pata fatin të të kisha në krah në këtë jetë, se rrallë herë i vijnë kësaj bote njerëz si ti! E falenderoj edhe tani, që ti nuk je më fizikisht, sepse kam fatin të të kem etalonin tim të vlerave dhe shembullin më të mirë për t’u ndjekur, si për vete, ashtu dhe për Ajrën dhe Reinartin tonë. Faleminderit që më zgjodhe mua që të ecnim bashkë për dore! Ti do jesh gjithmonë drita në rrugën time!”-shkruan Edlira Çepani./Radar.al
Humb jetën nga arresti kardiak ish-deputeti i PD, Gerti Bogdani