Detaje të reja kanë dalë në pah në lidhje me rrëmbimin e ndodhur sot në Lezhë të të riut, Dodë Gjoka.
Burimet bëjnë me dije se 35-vjeçari pasi u rrëmbye, është dhunuar brutalisht nga 3 persona që banojnë në fshatin Tresh të Lezhës.
Ndërsa thuhet se pak çaste pas dhunimit brutal, autorët e kanë lënë Dodë Gjokën të lirë.
Për rrjedhojë aktualisht ai ndodhet në ambiente spitalore jashtë rrezikut për jetën dhe po merr mjekimin e nevojshëm.
Ndërsa po vijojnë hetimet për zbardhjen e plotë të ngjarjes.
Njoftimi i Policisë
Rreth orës 14:30, në vendparkimin e automjeteve të një lokali në aksin rrugor “Lezhë-Milot”, dyshohet se gjatë një konflikti fizik, tre shtetas kanë dhunuar dhe më pas kanë marrë me forcë me automjet, shtetasin D. Gj., rreth 35 vjeç, banues në Lezhë.
Menjëherë pas marrjes së njoftimit, shërbimet e Policisë së Lezhës kanë ngritur pika kontrolli në përimetrin rrethues dhe në akset lidhëse, me qëllim kapjen e autorëve, të cilët janë identifikuar nga Policia, konkretisht shtetasit K. P., B. V. dhe Xh. E., të tre banues në fshatin Tresh.
Gjithashtu, u ngritën pika kontrolli në akset rrugore drejt Tiranës, Shkodër dhe Kukësit.
Si rezultat i reagimit të menjëhershëm të Policisë dhe të gjendur nën presionin e kontrolleve intensive të Policisë, autorët dyshohet se e kanë zbritur nga automjeti, shtetasin D. Gj., i cili aktualisht po merr ndihmë mjeksore në spitalin e Lezhës dhe është jashtë rrezikut për jetën.
Grupi hetimor, në drejtimin e Prokurorisë, po punon për sqarimin e rrethanave dhe dokumentimin ligjor të rastit.
Ndërkohë, vijojnë kontrollet intensive për kapjen e autorëve.