Eric Trump ka lënë të hapur mundësinë që ai ose dikush tjetër nga familja Trump të kandidojë për president pas përfundimit të mandatit të dytë të Donald Trump.
Në një intervistë për Financial Times, ai tha se rruga drejt Shtëpisë së Bardhë “do të ishte e lehtë” për të, por shtoi se ende nuk ka vendosur nëse dëshiron që fëmijët e tij të kalojnë të njëjtën eksperiencë politike si ai.
Eric, ndryshe nga pjesëtarë të tjerë të familjes, ka qëndruar larg politikës aktive, por u shpreh kritik ndaj klasës politike dhe i bindur se mund ta kryente detyrën në mënyrë më efektive.
Ai mohoi gjithashtu akuzat se familja Trump ka përfituar financiarisht nga presidenca, duke thënë se kanë shpenzuar qindra miliona dollarë për t’u mbrojtur nga “akuza të rreme”.