Pas tensioneve dhe përballjeve të ashpra mes Agron Shehajt dhe numëruesve të votave në KZAZ nr. 40 në Tiranë, komisioni ka marrë një vendim zyrtar.
Burimet bëjnë me dije se të gjitha votat e konstestuara të Partisë Mundësia do të quhen të vlefshme. Kujtojmë se pasditen e sotme përfaqësuesit e “Mundësia” kontestuan pavlefshmërinë e disa fletëve të votimit për shkak të diferencave në ngjyrë.
Agron Shehaj u irritua në lidhje me këtë situatë dhe e quajti këtë një përpjekje për t’i hequr votat që mund t’i siguronin mandatin e dytë në Tiranë.
Pas shqyrtimit të situatës, KZAZ vendosi në favor të kërkesës së Partisë “Mundësia”.