“Partizani”/ A ia hodhi paq Berisha? Njoftohet data e mbylljes së dosjes

Ditën e sotme Prokuroria e Posaçme kundër Korrupsionit dhe Krimit të Organizuar njoftoi avokatët e të pandehurve të dosjes “Partizani” se kjo çështje do të marrë afërsisht një muaj kohë për të mbyllur dosjen.

Avokatët mbrojtës të ish-kryeministrit Sali Berisha, Jamarbër Malltezit dhe të Fatmir Bektashit janë njoftuar se SPAK do ta dorëzojë dosjen brenda muajit tetor.

Ju kujtojmë se ish-kryeministri Sali Berisha akuzohet për veprën penale të korrupsionit pasiv të funksionarëve të lartë shtetërorë.

Ndërkohë që ndaj Malltezit, rëndojnë akuzat e “Korrupsionit pasiv të funksionarëve të lartë ose të zgjedhurve vendorë” dhe “Pastrimi i produkteve të veprës penale apo veprimtarisë kriminale” që lidhjen me privatizimin e ish-klubit Sportiv Partizani.

LEXO EDHE: 

“Partizani”/ Avokatët e Berishës dhe Malltezit dorëzojnë kundërshtitë në SPAK: Pasuritë janë vënë me burime të ligjshme

SPAK mbylli hetimet për dosjen “Partizani”/ Berisha: Akt i paprecedentë, i bazuar në një piramidë falsifikimi

Mbyllen hetimet për çështjen “Partizani”/ Dosja me 500 faqe, avokatja e Berishës paraqitet në SPAK për të tërhequr aktet