Ditën e sotme, Shqipëria do të nisë garat e saj me sportistët e kualifikuar në “Paris 2024”.
Luiza Gega do të marrë pjesë në kualifikueset e 3000 metrave me pengesa, që do startojnë në orën 10:15. Megjithëse do të marrë pjesë në një disiplinë me konkurrencë të jashtëzakonshme, atletja si gjithmonë ka si objektiv të arrijë finale.
“Synimi im është fillimisht kalimi në finale, rezultat që e kam provuar në Tokio. Kam besim më të madh edhe në saj të rezultateve vitet e fundit. Nëse gjëra shkojnë mirë do synoj pozicion më të mirë. Nuk deklaroj asgjë që do marr këtë apo atë medalje”, u shpreh ish-kampionia e Europës për qëllimet e saj në “Paris 2024”.