Në qarkun e Lezhës, në zonat mbi 200 m mbi nivelin e detit kanë rënë reshje dëbore, të cilat paraditen e të dielës ishin të shoqëruara me erë të vrullshme me mbi 60 km/orë, me tendencë rritje.
Policia Rrugore Lezhë njoftoi pasditen e 12 janarit të gjithë drejtuesit e mjeteve që udhëtojnë nga Skuraj në drejtim të Ulzës se segmenti rrugor në Qafë të Ulzës është i bllokuar për shkak të reshjeve të dendura të borës.
Artikull me interes
Pas disa orësh do përjetojmë acar, meteorologia zbulon ditët më të “këqija” për këtë javë
Po ashtu edhe rruga që të çon te Kisha e Laçit është gjithashtu e bllokuar për të njëjtën arsye.
Në Qarkun Lezhë dëbora ka zbritur deri në qytetin e Lezhës dhe Laçit. Nga strukturat e Mbrojtes Civile të Bashkisë Kurbin, raportohet bllokim të aksit rrugor për tek Kisha e Shën Antonit ( kisha e Sh’na Ndoit ) në periferi të qytetit të Laçit, ku kanë ngelur të bllokuar disa mjete që kanë shkuar për pelegrinazh në vendin e shenjtë. Aty po ndërhyhet me mjete të bashkisë për pastrimin e kriposjen e këtij segmenti, kurse në akset e tjera nuk raportohen problematika.
Sakaq pamje magjike vijnë edhe nga Velipoja ku reshjet e borës kanë mbuluar rërën.
View this post on Instagram