Pak çaste para skadimit të afatit zyrtar të vendosur për depozitimin e listave të kandidatëve, ethet e dy selive kryesore partiake janë dyfishuar.
Zhvillimet kanë qenë të shumta në radhët e koalicionit opozitar, i cili nga 26 parti, u rrudh në 25.
Kjo erdhi pasi partia e minoritetit maqedonas, braktisi kolaicionin e PD.
Por jo vetëm aleatët, më tej thuhet se dhe brenda grupit parlamentar të PD-së ka nisur largimi i personave që nuk do të kandidojnë.
Një ndër ta përmendet demokrati Dashnor Sula, deputet i qarkut të Elbasanit, i cili u njoftua se nuk do të jetë kandidat për deputet, për shkak të qëndrimeve të tij pro SPAK.
Nga ana tjetër kryedemokrati Berisha ka njoftuar një mbledhje kryesie. Pas kësaj mbledhjen e Këshillit Kombëtar që do të miratojë edhe listën përfundimtare të kandidatëve për deputetë.
Sa I përket PS, kryeministri Rama ka nisur në mesditë mbledhjet e veçanta me drejtuesit politikë në 12 qarqet e vendit.
Deri më tani dihet zyrtarisht se Petro Koçi nuk do të jetë kandidat për deputet, ndërkohë që tre kryebashkiakë, i Burrelit, Tepelenës dhe Beratit ditën e djeshme kanë dhënë dorëheqjen për t’iu bashkuar listës së socialistëve.
Më tej u mësua se në orën 18:00 Rama dhe Kryesia Socialiste do të hartojnë listën finale për ta dorëzuar në KQZ para orës 24:00.
Të 12 drejtuesit politik do të dalin një e nga një duke lexuar emrat e skuadrave të tyre në garën e 11 Majit sipas formulës, drejtuesit politik, gratë dhe të rinjtë në listën e mbyllur, ndërsa të tjerët në listën e hapur në një garë të fortë mes veti.