Papa Françesku, në momentet e tij të fundit, tha: “Faleminderit që më riktheve në shesh”, siç raporton Vatican News. Ky falënderim ishte për ata që gjatë kohës së tij të sëmundjes, dhe edhe më parë, kanë qëndruar pranë tij pa u lodhur. Një nga ata ishte Massimiliano Strappetti, infermieri që, siç e përmendi vetë Papa, i shpëtoi jetën duke i sugjeruar një operacion të domosdoshëm. Strappetti ishte pranë Papa Françeskut gjatë gjithë kohës që ai qëndroi në spitalin “Gemelli” dhe më pas gjatë rikuperimit në “Casa Santa Marta”.
Në një moment simbolik, Papa dhe Strappetti kishin shkuar në Bazilikën e Shën Pjetrit, ku Papa donte të bënte një shëtitje të fundit mes besimtarëve. Pas një shëtitjeje të shkurtër me makinë në sheshin e Shën Pjetrit, Papa u ndje i lumtur dhe i lodhur, duke përshëndetur fëmijët dhe turmën. Ky ishte udhëtimi i tij i fundit.
Në fjalët e tij të fundit, Papa falënderoi ndihmësin e tij për ndihmën dhe përpjekjet që e ndihmuan të kthehej sërish në shesh mes popullit. Fjalët e tij zbuluan dëshirën e thellë për të qenë mes njerëzve, edhe pse kishte kaluar një periudhë të vështirë shëndetësore.
Një ditë pas Pashkëve, pas një darke të qetë dhe një pasdite të pushimit, Papa shfaqi shenjat e para të sëmundjes. Pas një ndërhyrje të shpejtë, Papa ra në koma dhe vdiq shpejt, pa vuajtur. Vdekja e tij erdhi pa paralajmërim dhe pa bujë, një moment që ndodhi vetëm disa orë pas përqafimit të besimtarëve në Pashkë.