Kryetari i Partisë Socialiste, Edi Rama, ka reaguar pak orë para mitingut përmbyllës të fushatës që do të mbahet mbrëmjen e sotme në Tiranë, duke theksuar rëndësinë e këtij momenti simbolik.
“Ja dhe orët e fundit të këtij rrugëtimi erdhën,” tha Rama në një postim në rrjetet sociale. “Pas pak, në 7:30, kemi Tiranën dhe vetëm Tiranën. Të gjithë të tjerët kanë qëndruar në qarqet e tyre, duke përgatitur fazën tjetër të procesit – organizimi, trupat e komisionerëve etj.”
Sipas Ramës, ky event përmbyllës do të jetë një mesazh për të gjithë vendin:
“Në 7:30 Tirana do të japë mesazhin e fundit të gjithë Shqipërisë dhe shqiptarëve kudo që ndodhen.”
Ai shtoi se është inkurajuar nga angazhimi i qytetarëve në ditët e fundit, veçanërisht nga pjesëmarrja në procesin me zarfe: “Më vjen shumë mirë që ka pasur një lëvizje domethënëse.”