GRAMSH– Operatori i Shërbimeve të Kujdesit Shëndetësor në Gramsh, ka reaguar zyrtarisht sa i takon helmimit të 70 fëmijëve në kopshtin shtetëror pasi kanë konsumuar ushqim me salmonelë.
“1 fëmijë është paraqitur me shqetësime të lehta gastrointestinale dhe është referuar për analiza laboratorike nga mjekja pediatre përkatëse. Në kuadër të hetimit epidemiologjik janë marrë gjithsej 76 mostra nga fëmijët dhe punonjësit, dhe janë në proces analizimi.”– thuhet në reagim.
REAGIMI I PLOTË I OPERATORIT TË SHËRBIMEVE TË KUJDESIT SHËNDETËSOR NË GRAMSH:
Në vijim të raportimeve në media mbi një situatë të ndodhur në një institucion parashkollor në qytetin e Gramshit, sqarojmë se Njësia Vendore e Kujdesit Shëndetësor është vënë menjëherë në ndjekje të rastit.
Rezultatet e analizave nuk kanë dale ende përfundimtare dhe priten të jenë të disponueshme ditën e nesërme, më 25 maj 2025. NJVKSH Gramsh ka njoftuar Autoritetin Kombëtar të Ushqimit (AKU) dhe Institutin e Shëndetit Publik (ISHP) dhe po bashkëpunojnë ngushtësisht me strukturat vendore për të garantuar një vlerësim të plotë dhe të kujdesshëm të situatës.
Theksojmë se të gjitha veprimet janë ndërmarrë në kohë dhe me profesionalizëm, dhe nuk ka vend për shqetësim të shtuar në këtë fazë. Çdo informacion i mëtejshëm do të bëhet publik në mënyrë transparente, sapo të përfundojnë analizat dhe verifikimet përkatëse./Radar.al
Helmimi i 70 fëmijëve në Gramsh, ngrihet grup pune me inspektor higjene
70 fëmijë të helmuar me salmonelë në Gramsh, shkak ushqimi i servirur nga një kompani kateringu
U tërhoq përfundimisht nga futbolli i luajtur/ Nderimi special që i bëjnë Taulant Xhakës te Bazeli
“E kisha si djalin tim”/ Vjehrri tregon telefonatën e fundit me Gert Bogdanin
“Dhimbja nuk kalon”/ Edlira Çepani emocionon për mungesën e Gert Bogdit: Buzëqesh për fëmijët