Një mister i ri ka dalë në dritë: Cila është lidhja mes Nuredin Dumanit dhe Amarildo Nikollit?
Pesë ditë më parë, në burgun “313”, ku të dy janë të burgosur, shpërtheu një konflikt i dhunshëm mes tyre. Sipas burimeve të “Replika.al”, Dumani dhe Nikolli u përplasën në ambientet e paraburgimit dhe u ndanë nga të tjerët.
Ky incident u zbulua falë një sherri që ndodhi jashtë qelive. E dashura e Amarildo Nikollit, Xhovana, e cila është bërë e njohur për deklaratat e saj, reagoi në rrjetin social TikTok. Ajo i bëri dy deklarata të drejtpërdrejta Nuredin Dumanit dhe të dashurës së tij, Mirjetës, e cila ishte me të kur ai u arrestua në Fier.
Deklaratat e Xhovana Nikollit:
“Oj Mirjeta çke mi? Ke lënë burrin pa kollodok mi, ja ta çoj unë tek 313 dhe ti them gjynah. Gjynah Mirjeta o Nur gjynah. Mirjeta do kollodok, kush nga ju çunat është i disponueshëm për këtë Mirjetën. O Nuredin Dumani të bëj thirrje të mbash cik atë dashnoren tate ti, se po ta kapa kund nëpër Itali ore Nuredin Dumani…se ke idenë çfarë mund t’i bëj se më njeh mirë. A mirë? Mirë shpirti vogël, ik të përshëndes Nuredin Dumani. Shihemi pas 2 ditësh.”
Dy ditë pas këtyre deklaratave, në banesën ku Xhovana qëndronte me qira në Elbasan, shpërtheu tritol. Fatkeqësisht, një 26-vjeçar i pafajshëm mbeti i plagosur rëndë dhe po lufton për jetën për shkak të plagëve në kokë.
Ndërkohë, Xhovana ka refuzuar të dëshmojë dhe kërkon të flasë vetëm para hetuesëve të Prokurorisë së Posaçme kundër Korrupsionit dhe Krimit të Organizuar. Megjithëse ka përmendur kërcënimet ndaj saj për llogari të të dashurit të burgosur, ajo nuk ka përmendur emra. I pari që përmendet nga ajo është Nuredin Dumani, një vrasës me pagesë që tani është kthyer në të penduar të drejtësisë.