Një debat i tensionuar u zhvillua në emisionin “Top Story” mes gazetares Anila Hoxha dhe avokatit të Ilir Metës, Kujtim Cakrani, lidhur me përmendjen e një shtetaseje amerikane me emrin “Rebeka” në dosjen hetimore të ish-Presidentit të Republikës, tashmë i pandehur nga SPAK.
Avokati Cakrani e cilësoi çështjen ndaj Metës si një “kala balte 30-vjeçare” të ngritur mbi prova të montuara, duke thënë se nuk ka asnjë element penal që e lidh Metën me aferën CEZ-DIA. Sipas tij, përmendja e një emri si “Rebeka” nuk lidhet drejtpërdrejt me klientin e tij dhe dosja nuk përmban prova konkrete ndaj tij.
Nga ana tjetër, gazetarja Hoxha këmbënguli për ruajtjen e etikës në debat dhe theksoi se nuk po fliste në emër të akuzës, por si gazetare që i njeh faktet. Ajo i kërkoi avokatit të shmangë gjuhën politike dhe ta përqendrojë argumentimin në fakte ligjore.
“Mos m’i bëj mua këto lojëra,” iu drejtua Hoxha avokatit, ndërsa Cakrani reagoi duke thënë: “Ju po mbroni SPAK-un apo politikën?”
Debati u përmbyll me shkëmbime të forta fjalësh, por edhe me theksimin se publiku është ai që do të gjykojë mbi të vërtetën e kësaj çështjeje që ka ndezur opinionin publik.
Pjesë nga debati në studio:
Cakrani: Ndaj Metës është ngritur një kala e madhe baltë 30-vjeçare. Opinioni publik ka dëshirë të dëgjojë për politikanë të korruptuar. Si do goditet kundërshtari politik nëse nuk i monton prova. Z.Meta me Kastriot Ismailin njihet që fëmijë. Çlidhje ka korrupsioni i Metës me CEZ-DiA. Kur është lidhur ajo kontratë Meta nuk ka qenë fare ministër i Ekonomisë. Përmendet një Rebeka. Kur është marrë nën hetim është përmendur një ish-kryeministër, nuk është folur për Metën. Ndaj z.Meta nuk ka asnjë fakt penal. Në rolin e tij si ish kryeministër nuk ka një shkresë.
Duma: Përmendet zonja Rebeka?
Hoxha: Jo, ndoshta…
Cakrani: E ke lexuar dosjen?
Hoxha: Nuk ke përballë një prokurore
Cakrani: Më gjeni një provë që Ismailaj i ka kryer një favor Metës. Jo nuk flitet kështu
Hoxha: Nuk jam Altin Dumani dhe Arben Kraja. Mbrojtjen bëje në gjykatë. Thash gjë unë që IliR Meta është fajtor? Thash gjë në emër të SPAK? Mbaj vendin si avokat pa akuzuar të tjerë. Le të ruajmë etikën. Fol si avokat me fakte. Këto ujërat politike dhe të avokatit mos i bëj me mua se po flas e balancuar. Nuk e pranoj këtë gjuhë avokati.
Cakrani: Ju po mbroni SPAK-un apo politikën? Kam ardhur t’i flas publikut se çfarë ka ndodhur me ish presidentin. Ndaj presidentit është ngritur një baltë e madhe qëllimisht nga politika.
Hoxha: Kë ke politikan në këtë studio.
Cakrani: Më gjykon mua publiku këtu
Hoxha: Avokati ka të drejtë. Çështjen e kë të fituar.
Cakrani: E di ti shumë mirë e ke lexuar dosjen.