Një tjetër histori e trishtë ka përlotur publikun shqiptar, ditën e sotme transmetuar në rubrikën “Ka një mesazh për ty”, në emisionin “ E diela Shqiptare”.
Bëhet fjalë për historinë e trishtë të jetës së Guries. Një femër e lodhur aq shumë nga dhuna, të cilës nuk iu nda dot gjatë gjithë jetës. E dhunuar nga burri i saj i parë, me shpresën që të shpëtonte prej tij, Guria bie “në të njëjtën” grackë.
E mbushur me lot e dhimbje nga të goditurat, e njëjtë ishte dhe martesa e dytë për të.
Mes lotësh, ajo rrëfen se si burri i saj i dytë dhunonte jo vetëm atë por dhe djalin e saj të sëmurë. Ndërsa e detyroi të ndahej nga lumturia e parë e saj, djali i madh që e la te prindërit.
Pjesë nga biseda:
Gurie: Më pikonte fëmija, sa herë që do të dilte nga mbrapa shtëpisë, do ta gjente Romeon, e merrte kështu, ku ta përplaste, te cepat e ballkonit, ka gjithë ato të çara…
Ardit Gjebrea: Ç’i bëri Romeo atij?
Gurie: Le të ngrihet në këmbë thoshte, është 4 vjeç, kur do të ecë në këmbë ky? Kur t’i vijë për t’u ngritur. Pasi filloi të ngrihej në këmbë, e tërhoqi ky i vogli pastaj. U ngrit djali.
Ardit Gjebrea: Pra, fëmijën e madh ta përzuri.
Gurie: Po, te mami im.
Ardit Gjebrea: Këtë të dytin…
Gurie: Torturë!
Ardit Gjebrea: Ti bëre një fëmijë me të?
Gurie: E bëra se hë… gabim nuk i them se shyqyr Zotit, por… truri në një farë momenti nga vuajtjet, të ndalon.
Ardit Gjebrea: Por u ndave të paktën nga ky?
Gurie: Po.
Ardit Gjebrea: U ndave.
Gurie: Ndarja ime ka qenë tragjike, me grushta.
Ardit Gjebrea: Pse?
Gurie: Më ka lënë të vdekur prapa shtëpisë.
Ardit Gjebrea: Kaq shumë të goditi?
Gurie: Kaloi një grua aty që vinte gjithmonë, lëre bir i nënës, pse e vret bijën e huaj, ajo gjynah nga Zoti, lëre çoje tek e ëma.
Pas ndarjes, Guria u kthye sërish te prindërit ku dhe u përball me paragjykime për hskka të mentalitetit të banorëve.
Nga aty, e ndihmoi e motra për të ardhur në Tiranë duke i gjetur punë në një “fast-food”.
Gjatë asaj periudhe, Guria mban mend një moment që e ther mu në zemër sa herë që e kujton: kur fëmijët që dilnin për të mbledhur kanoçe e mnjë ditë pësuan aksident.
“Kur vij në shtëpi, i gjej fëmijët e fashuar. Romeo te gjuri, e kishte marrë një motorr te “21”-shi, i kishte marrë zvarrë. I kishte ndaluar një çift që i kishte çuar në spital, i kishte mjekuar dhe në shtëpi”./ Marrë nga Tv.Klan