Kryeministri Edi Rama po merr pjesë në Samitin “Në mbrojtje të demokracisë”, që po zhvillohet në Barcelonë, Spanjë.
Në nisje të aktivitetit, Rama është pritur nga kryeministri spanjoll Pedro Sánchez, me të cilin pritet të zhvillojë edhe një takim bilateral gjatë punimeve të samitit.
Samiti do të fokusohet në disa tema kryesore, përfshirë forcimin e institucioneve demokratike dhe multilaterizmit, luftën ndaj dezinformimit dhe rregullimin e hapësirës digjitale, adresimin e pabarazive si bazë për demokraci më të qëndrueshme.
Në axhendë janë parashikuar gjithashtu takime të nivelit të lartë, mes tyre edhe me Presidentin e Këshillit Europian António Costa.
Gjatë vizitës në Spanjë, Rama dhe delegacioni shqiptar vizituan edhe Dhomën e Tregtisë së Katalonjës, një nga institucionet kryesore ekonomike të rajonit.