Thuajse 75% e trupit të vogëlushes Esme u dogj pas ngjarjes së papritur të ndodhur në një mbrëmje familjare e cila për pak sa nuk shndërrua në tragjedi.
Një histori që preku zemrat e shqiptarëve, të cilët nëpërmjet një bashkëpunimi me fondacionin “Fundjavë Ndryshe” të Arbër Hajdarit, vendosën që jo vetëm të përmirësonin lëkurën e djegur të bebushes Esme por dhe t’i jepnin mundësinë për të jetuar.
Edhe pse mjekët nuk i dhanë asnjë shpresë jete Mirelës për foshnjen e saj, një dritë ndezi shpresën që errësira e tragjedisë ia kishte shuar.
“Fundjavë Ndryshe” mundësoi kurimin e të voglës Esme në Itali. Siç rrëhehet dhe vetë Arbër hajdari, Esma qëndroi 3 muaj në spital. Shpenzimet e transportit dhe ato spitalore të cilat kaluan vlerën 100 mijë euro por ia vlejtën sepse siguruan jetën e një foshnje që ishte vetëm në fillimet e saja.
Duke rrëfyer më shumë për vëhstirësit, Arbri tregon se si ndodhi mrekullia e 8. Teksa shpresat për të jetuar më shumë shuheshin, pas afro 1 muaj në spital Esmja rilind sërish.
Arbër Hajdari: Unë isha shumë në merak sepse ishte vendimi im që Esma të nisej, edhe kur të gjithë mjekët që na rrethonin, që dinë më shumë se ne, tentuan të ma mbushnin mendjen, kisha një ndjenjë që duhet t’i shkojmë deri në fund, duhet t’i japim një mundësi deri në fund. 3 ditë më vonë udhëtova unë për në spital në Itali. Me të mbërritur atje, kam parë që ishin 20 mjekë të angazhuar vetëm me rastin e Esmës. Kishte mjekime çdo 20 minuta dhe kishte mjekime që e mbanin në gjendje të fjetur për shkak të dhimbjeve të papërballueshme. Ato 3 muaj kanë qenë të vështira. Mbaj mend që pas 1 muaji, ata filluan të testojnë zgjimin. Ne në kontakt të vazhdueshëm me Mirelën përditë, Mirela si është sot, Mirela, si është tani. E mbaj mend si të ketë ndodhur tani afër kur Mirela më dërgoi një mesazh shoqëruar me një foto që vajza u zgjua.
Ardit Gjebrea: Si ka qenë ai moment?
Mirela: Ishte momenti më i lumtur në jetën time kur u zgjua Esma sepse nuk e prisnim që Esma të kthehej prapë. Shihnim aparaturat kur lëviznin, shihnim Esmën kur ishte shumë keq se unë rrija 24 orë aty te një xham se brenda nuk lejohej.