Niveli i lumit Vjosa ka arritur sot kuotën kritike prej 8 metrash, duke shkaktuar situatë të vështirë në zonat pranë shtratit të tij.
Në Njësinë Administrative Novoselë janë evakuuar 10 familje për shkak të rrezikut nga përmbytjet. Sipas autoriteteve lokale, 7 prej tyre janë banorë të fshatit Novoselë, ndërsa 3 të tjerat janë nga fshati Fitore.
Familjet janë sistemuar përkohësisht në ambiente të sigurta, ndërsa strukturat e emergjencave civile vijojnë monitorimin e situatës dhe marrjen e masave të nevojshme.