Ditën e sotme mësohet se është vënë në pranga pronari i Jet Ski-ve në Durrës, për “shkelje të rregullave të mbrojtjes në punë”.
Policia bën me dije se 56-vjeçari Luis Xhumari është arrestuar menjëherë pas ngjarjes tragjike të ndodhur më 1 qershor me dy turistët.
Xhumari iu dha me qira mjetin lundrues turistëve ndonëse ata nuk kishin leje drejtimi dhe nuk ishin të pajisur me skafandra.
Silvester Dheug, 34-vjeç, me banim në Angli, është turisti që ka ndërruar jetë në zonën e Shkëmbit të Kavajës, pas aksidentit me Jet Ski.
Ndërsa partnerja e tij, Vera Ruani, mësohet se ndodhet në gjendje të rëndë shëndetësore. Dy të huajt janë me origjinë nga Gana, por me dokumente angleze.
Deri më tani shkak i aksidentit mendohet se janë bërë manovrat në ujë.