TIRANË– Mesditën e sotme janë zbardhur edhe emrat e katër personave, të cilët janë arrestuar lidhur me zjarrin që shkrumboi dhjetëra apartamente në një pallat në zonën e njohur si “Farmacia 10” në Tiranë.
Në pranga ka rënë inxhinieri, Enver Ademi, kontraktori i fasadës Altin Furtuna, administratori i pallatit Agron Cara, si dhe menaxherja e Big Market që ndodhej në katin e parë të pallatit, Razie Sula.
Ndërkohë në kërkim është shpallur ndërtuesi i kompleksit, biznesmeni Armand Lilo.
Hetimet për shkaqet e zjarrit janë ende në vijim dhe autoritetet po punojnë për të zbardhur plotësisht shkaqet e zjarrit dhe përgjegjësitë përkatëse të personave të përfshirë.
Kujtojmë se nga zjarri i rënë ditën e djeshme, 11 persona u paraqit në spital me probleme shëndetësore për shkak të asfiksisë. Ndërsa dëmet materiale janë të konsiderueshme. Paraprakisht bëhet fjalë për rreth 30 apartamente të djegur plotësisht. Ndërkohë nga ana e Krryeinspektorit të Përgjithshëm është ngritur një grup pune për inspektim, me qëllim zbardhjen shkaqeve të rënies së zjarrit./Radar.al