Belind Këlliçi, në një intervistë për “Dekalog” nga Roland Qafoku në Dritare TV, u shpreh se referuar statutit të Partisë Demokratike, kryetari është i detyruar të japë dorëheqjen nëse partia humb zgjedhjet më 11 maj.
A do të zbatojë PD statutin për kryetarin Sali Berisha?
Referuar pyetjes, Këlliçi shprehet se ky rregull vlen edhe për zotin Berisha, ndërsa thekson më tej se fokusi kryesor për të mbetet fitorja në 11 maj dhe jo humbja.
Kujtojmë se kjo është deklarata e dytë e një demokrati i cili kërkon dorëheqjen e Berishës nëse këto zgjedhje nuk i fiton PD.
Kujtojmë se para pak kohësh ishte kryetari i Forumit Rinor të PD-së, Besart Xhaferri, i cili tha se Berisha duhet të largohet nëse humb zgjedhjet.