Sali Berisha përgjatë deklaratës së sotme për mediat bëri publike se çfarë panë sytë e tij nëpër ambientet e“SKAPIT” (siç i referohet Berisha Prokurorisë së Posaçme).
“Dy gjëra, deklarova sa vijon: Kjo është një piramidë fund e krye mashtrimi. Kjo ishte deklarata ime. Së dyti, vizitova pjesën muzeale të SKAPIT, në pjesën muzeale të SKAPIT gjendej ora 400 mijë euro, e qëndisur me diamante, e Edi Ramës. Gjendej fotografia e Amant Josifit, për meritat e tij të spekulimit botëror, gjendej Ymer Lala tek i jepte Dumanit 1 milionë euro për pyetjen që nuk i bëri, gjendej Taulant Balla që po merrte shpërblimin e Suel Çelës, gjendeshin horra që shkojnë nga gjykatësi në gjykatës dhe u bëjnë forma të neveritshme presioni me dokumente antiligjore për t’i mbajtur peng ata. Gjendeshin 300 milionë euro të sterilizatorëve të Edi Ramës dhe Beqes, gjendeshin 300 milionë euro të Vilma Nushit, që i ndan me Edi Ramën, gjendeshin 4 miliardë euro të Edi Ramës dhe Alabarit. Kjo është shpella e krimit të organizuar në Shqipëri, organizata më e rrezikshme kriminale në Shqipëri dhe Europë”, përmbylli ish-kryeministri Sali Berisha.