TIRANË– Kreu i PD-së, Sali Berisha pasi iu komunikua akuza nga SPAK për korrupsion pasiv e kryer në bashkëpunim, i është rikthyer sërish arrestit të shtëpisë.
Në një deklaratë për mediat para se të futej në shtëpi ai tha se objektivi është qeveria teknike.
Sipas tij me Edi Ramën nuk ka zgjedhje, ndërsa theksoi se ‘synohet një aksion mbarë popullor’.
“Objektivi është krijimi i qeverisë teknike, me Edi Ramën zgjedhje nuk ka. Me një revoltë të përgjithshme që synon për ti rikthyer shqiptarëve votën e lire. Nuk ka një datë për protesta por do të caktohet shumë shpejt. Opsioni është popullor, synohet një aksion mbarë popullor.“-ka thënë Berisha.