Vitin që lamë pas, shifrat treguan se Instagrami është aplikacion më i shkarkuar sesa TikTok.
Kjo mendohet të ketë ndodhur falë veçorisë Reels që lançoi në vitin 2020 për të përballuar rivalin e tij kinez.
Edhe pse videot me formë të shkurtër në platformën e Metës janë përmirësuar me kalimin e viteve, të shumtë janë ata që mendojnë se Instagram nuk është ende i krahasueshëm me TikTok.
Koha do të tregojë se kush do të dalë fitues. Por së fundmi Meta është zbuluar se po punon shumë për të prezantuar veçori të reja në Instagram Reels për të arritur një nivel barazie me TikTok.
Risia e fundit e Instagram, tani që Reels mund të jenë deri në 180 sekonda, do t’u mundësojë përdoruesve të shikojnë videot me shpejtësi të dyfishtë (2x).
Përdoruesit mund të aktivizojnë këtë mundësi duke mbajtur shtypur skajin e djathtë ose të majtë të ekranit.
Për të rikthyer shpejtësinë normale, mjafton të heqin gishti nga ekrani.
Ky funksion ka qenë i disponueshëm për disa përdorues që nga faza e testimit, por tani është duke u shpërndarë gradualisht për të gjithë.