TIRANË-“Blutë” e Tiranës kanë vënë në pranga një shtetas i shpallur në kërkim ndërkombëtar për mashtrim, me qëllim ekstradimin në Kazakistan.
Bazuar në njoftimin zyrtar të policisë, mësohet se i riu është identifikuar si A.T., 26 vjeç.
NJOFTIMI I POLICISË:
Drejtoria Vendore e Policisë Tiranë
Finalizohet operacioni policor i koduar “Fugitive”.
Kapet në Tiranë dhe arrestohet me qëllim ekstradimin në Kazakistan, 1 shtetas i shpallur në kërkim ndërkombëtar për mashtrim.
Në vijim të punës për lokalizimin dhe kapjen e shtetasve në kërkim ndërkombëtar, bazuar dhe në informacionet e siguruara për vendndodhjen e një shtetasi në kërkim, specialistët për Hetimin e Krimit Ekonomik dhe Financiar të DVP Tiranë shkëmbyen informacion me Interpol Tiranën dhe organizuan punën për lokalizimin dhe kapjen e tij.
Si rezultat, në bulevardin “Gjergj Fishta”, u kap dhe u vu në pranga shtetasi nga Kazakistani, A. T., 26 vjeç.
Ky shtetas u arrestua me qëllim ekstradimin në Kazakistan, pasi Gjykata për Hetimet Speciale e Almaty, Kazakistan, i ka caktuar masën e sigurisë “Arrest në burg”, për veprën penale “Mashtrimi”, parashikuar nga Kodi Penal i Kazakistanit. Interpol Tirana, në bashkëpunim me autoritetet ligjzbatuese të Kazakistanit, vijon procedurat për ekstradimin e këtij shtetasi./Radar.al
“Hap sh*lët dhe marr 50 euro”/ Zbulohet ‘foleja’ e pr*stitucionit të kamufluar si qendër masazhesh
Kush u përfshi në zgjedhje rrezikon të humbasë statusin e nëpunësit civil
“Djali kishte bërë shaka”/ Pla*osja e 15-vjeçarit në Maliq, gjyshi: Të dyja familjet po negociojmë