Pasi emri i tij u rikthye në qendër të vëmendjes për shkak të operacionit antidrogë të zhvilluar së fundmi, është publikuar për herë të parë imazhi i Elvis Doçit, i njohur ndryshe si Visi i Pojës.
Nga hetimet e bëra konkludon se Doçi ka lindur në Durrës, më 15 tetor të vitit 1978. Ai njihet ndryshe si “Visi i Pojës”, pasi është nipi i Xhevdet Troplinit, që njihet si Poja.
Aktiviteti kriminal i “Visit të Pojës” është shtrirë në një periudhë kohore prej më shumë se 20 vitesh. Por vetëm, së fundmi, policia arriti të binte në gjurmët e tij falë dëshmisë së të penduarit të drejtësisë, Nuredin Dumani.
Edhe pse deri më tani është siguruar që fotoja e tij të mos qarkullojë nëpër media, së fundmi pamja e tij është bërë publike. Nga një hulumtim i bërë në rrjet si dhe burime të sigurta për Zëri bëjnë me dije se personi që mund të shikoni në foton e mëposhtme është pikërisht “Visi i Pojës”.
