Babai i Enea Themoraj, të riut që humbi jetën pasi mbeti i plagosur nga një tritol që iu vu dy motrave Nikolli në Elbasan, gjatë ditës së sotme ka bërë apel për ndihmë.
Në një intervistë për Top Channel babai i viktimës shprehet mes dhimbjes se djali të cilin e humbën, ishte i vetmi që punonte në shtëpinë e tyre, pasi ai dhe bashkëshortorja janë invalidë.
Ai thotë se djali iu vra brenda në banesë teksa po shkonte në tualet ku i ra dera nga shpërthimi i tritolit, ndërsa kërkon ndihmë përmes linkut të Gofoundme të shpërndarë nga mbesa e tij.
Teksa pyetet se kush e ka fajin për këtë ngjarje tragjike, ai shprehet se çështjen e ka në dorë drejtësia.
“Unë nuk kam pasus ndihmë nga autoritet bashkiake. Fare nuk kam pasur mbështetje. Mu vra çuni brenda në shtëpi. Gjendja ime e familjes ka qenë shumë e vështirë. 3 muaj nusja te Trauma ka hequr picirin e zi, çuni ka qenë shumë rëndë. Jam invalid i grupit të dytë që në fëmijëri, nusen e kam prapë invalidë. Djalin e vogël e kam pa punë, vetëm atë kisha krah dhe ndihmë financiare. Ishte punëtore, djalë shembullor, nuk ngatërrohej me njeri.
Në shtëpi të vet, duke shkuar në tualet, ndodhi shpërthimi dhe i ra dera në kokë. Nuk kam fjalë, nuk e përshkruaj dot më. Atë kisha mbështetje, nuk kisha tjetër. Jam në pikë të hallit, jam keq shpirtërisht.
Linkun e Gofoundme e ka hap mbesa ime për të ndihmu dajën…familja ime ka nevojë për ndihmë.Gjithë Elbasani ka ardhur për ngushëllim, nuk e priste askush.
Kë fajësoni për ngjarjen?
Nuk fajësoj njeri, nuk e di, e kam lënë në dorë të shtetit të bëjë çfarë të dojë me njerëzit që kanë vënë tritolin, nuk kam punë unë”.