Mediat italiane bëjnë me dije se kryeministrja italiane Giorgia Meloni kërkon që të blejë një vilë private në Shqipëri, e cila përmban pishinë, kopsht privat dhe me pamje nga deti.
Është Il Foglioqë ka dhënë lajmin i pari duke shkruar se marrëdhëniet mes dy Shqipërisë dhe Italisë mund të zgjerohen për më tej, nëse dëshira e Melonit realizohet.
Sipas mediave italiane, bëhet fjalë për një vilë në zonën e lakmuar të Palasës, ku çmimi i saj shkon në qindra mijëra euro.
Palasa prej kohësh është kthyer në një “zonë të ndaluar”për qytetarët e thjeshtë, duke qenë se vilat e ndërtuara aty kapin shifra marramendëse.
Kujtojmë se Meloni ishte një vit më parë në Vlorë për të kaluar pushimet e saj ku ndenji për tre ditë në rezidencën qeveritare.
Por mesa duket ajo është mrekulluar nga bukuria e jugut të Shqipërisë, duke kërkuar që aty të zotërojë dhe ajo një pronë.
Mediat italiane shkruajnë po ashtu se Meloni prej kohësh ishte në kërkim të një investimi të ri, dhe se ëndrra e saj ishte një vilë me pamje nga deti, me pishinë private dhe kopsht.
“Investimi nuk do të ishte vetëm ekonomik, por edhe, mbi të gjitha, politik. Njësoj sië bëri Silvio Berlusconi kur bleu vilën në Lampedusa për të qenë më afër banorëve të ishullit dhe për të mos i bërë ata të ndihen vetëm. Meloni është në kontakt të ngushtë me Shqipërinë duke pasur parasysh projektin për ndërtimin e qendrave të pritjeve të emigrantëve. Një zgjedhje, nëse përfundon shitja, e cila do të “çimentojë” marrëdhënien mes Romës dhe Tiranës. Ndërkohë, përflitet se Meloni mund të shijojë disa ditë relaksi në Sardenjë, ku mund të takohet me Marina Berlusconin”, shkruan mes të tjera mediat italiane.