Një lajm tragjik ishte për Fitim Lalajn ai që mori këtë të diel 3 nëntor. I biri që jetonte dhe punonte në Gjermani, i ka dhënë fund jetës.
Lajmin për vdekjen e të riut e raportuam më herët, duke raportuar të dhënat e mediave gjermane.
I riu që i dha fund jetës në Hamburg të Gjermanisë është 33- vjeçari, Dritan Lalaj , nga Frakulla e Vogël në Fier.
Familja Lalaj ka hapur dyert e mortit , ndërsa lajmin e hidhur babai i tij Fitim Lalaj, e mori paraditen e të dielës.
I shokuar për humbjen e djalit të vetëm, i moshuari tregon mes lotësh se telefonatën e fundit me të birin tre ditë më parë.
Ai theksoi se djali i kishte premtuar se nuk do të bënte asgjë të keqe, pasi dy javë më parë kishte tentuar vetëvrasjen.
E trishtë/ Dritani i dha fund jetës në Gjermani, zbulohet letra e fundit që la
Pas këtij premtimi, ai është qetësuar, por fatkeqësisht gjërat nuk shkuan siç priste.
Moskorrektesa e pagesës nga pronari, ka qenë shkaku që i riu dyshohet t’i ketë dhënë fund jetës.
Mes sëmundjes dhe skamjes së tejskajshme, babai i 33- vjecarit, apelon për ndihmë për ti kthyer trupin e djalit.
Ndërkohë i afërmi Mezin Kacaku, pohon se për kthimin e trupit duhen 25.000 euro, shumë për të cilën shqiptarët në Hamburg janë solidarizuar ta mbledhin shpejt, ndërsa thekson se edhe banorët e zonës do përpiqen të solidarizohen.