Champions League dhuroi një tjetër mbrëmje spektakolare, ku u përcaktuan edhe dy skuadrat e fundit që do të luajnë në gjysmëfinale. Interi dhe Arsenali kaluan me sukses sfidat e kthimit, duke siguruar përkatësisht përballjet me Barcelonën dhe PSG-në në raundin tjetër.
Në “San Siro”, Interi arriti të mbante epërsinë ndaj Bayern Munich, pas fitores 1-2 në takimin e parë. Ndeshja e kthimit përfundoi 2-2, me golat e Kane dhe Dier për bavarezët dhe të Martinez e Pavard për zikaltërit. Barazimi mjaftoi që skuadra italiane të vazhdojë më tej dhe të përballet në një super përballje me Barcelonën.
Ndërkohë, Real Madridi nuk arriti të bëjë përmbysjen ndaj Arsenalit. Pas humbjes 3-0 në ndeshjen e parë në Londër, “Los Blancos” u mposhtën edhe në “Santiago Bernabeu” me rezultatin 1-2. Saka humbi një penallti në fillim, por më pas shënoi, me Vinicius që barazoi për një moment rezultatin. Në fund, Martinelli vulosi fitoren e londinezëve, që do të sfidojnë PSG-në për një vend në finalen e madhe.
Gjysmëfinalet premtojnë duele të zjarrta: Inter-Barcelona dhe Arsenal-PSG.