TIRANË– Policia e Tiranës ka nisur procedim penal për dy shtetas pasi sipas policisë, shtetasi E. C., rezultoi se administronte një aktivitet ekonomik të paregjistruar në organe kompetente.
Ndërsa shtetasi tjetër i identifikuar si “V. M.”, pasi iu gjet në celular, faqe aktive për vënie të basteve sportive.
NJOFTIMI I PLOTË I POLICISË:
Drejtoria Vendore e Policisë Tiranë
Specialistët për Hetimin e Narkotikëve arrestuan shtetasin A. Ll., 46 vjeç, pasi gjatë kontrollit fizik, shërbimet e Komisariatit të Policisë Nr. 5 i gjetën një sasi lënde të dyshuar narkotike Cannabis Sativa, e cila u sekuestrua me cilësinë e provës materiale.
Specialistët për Hetimin e Krimeve Kibernetike referuan materialet në Prokurori, ku nisi procedimi penal për shtetasit:
-E. C., pasi nga verifikimet rezultoi se administronte një aktivitet ekonomik (bilardo) të paregjistruar në organe kompetente. Gjithashtu, ky shtetas nuk i është bindur urdhrit të punonjësve të Policisë, për dorëzimin e celularit, me qëllim kryerjen e verifikimeve të mëtejshme;
-V. M., pasi iu gjetën në celular, faqe aktive për vënie të basteve sportive.
Materialet procedurale iu referuan Prokurorisë së Tiranës, për veprime të mëtejshme./Radar.al