Kryeministri Edi Rama mbylli fushatën e Partisë Socialiste për zgjedhjet e 11 majit me një miting në Parkun Olimpik të Tiranës. Gjatë fjalës së tij, ai nuk nguroi të bëjë edhe disa ironira ndaj kundërshtarëve politikë, veçanërisht ndaj kreut të PD-së, Sali Berisha, dhe strategut të fushatës së opozitës, Chris LaCivita.
Rama iu drejtua mbështetësve të tij me një ton të ashpër, duke përshkruar LaCivita si “Latifi” dhe Sali Berishën si “bufin me kapelën e Donald Trump”. Ai e bëri një analogji të fortë, duke thënë: “Në vend të shokut tim me pantallona verore ngjyrë bezhë, ishte bufi me kapelën e Donald Trump, i kërrusur dhe i rrudhur si ai shtrigani me Latifin.”
Duke ironizuar më tej, Rama theksoi se “i vetmi që ka përfituar është vetë Latifi, që do largohet më i pasur se erdhi, në atë grumbull mbetjesh ku është i vetmi ‘rrotë same’, që do të thotë shumë i zoti në këtë fushë.”
Ai e përfundoi fjalimin me optimizëm, duke parashikuar fitoren e PS-së në zgjedhje dhe duke shtuar: “Bufi do falënderojë për fitoren, por të hënën do fillojnë ankesat për vjedhje votash.”
Në përmbyllje, Rama ftoi qytetarët të votojnë PS-në për të vazhduar “ngjitjen drejt Europës” dhe theksoi se “fushata ka mbaruar, tani është koha e sovranit – popullit”.