Vetëm pak ditë pas përvjetorit të 25-të të titullit të parë botëror me Ferrarin, dalin informacione të reja për Michael Schumacher, legjendën e Formula 1, gati 12 vite pas aksidentit të tij tragjik në ski në 2013.
Gazetari francez Stefan L’Hermitte i “L’Équipe” përmbledh të dhëna të besueshme nga familja e ish-pilotit gjerman, burimi i vetëm real në mes të shumë spekulimeve. Ai shprehet se, ndonëse nuk ka detaje të qarta, duket se Schumacher ndoshta po ia del pak më mirë.
Një episod i fundit i ka dhënë shpresë tifozëve: një helmetë e firmosur nga Schumacher për një nismë bamirësie është parë si një “shenjë jete” e parë prej tij pas aksidentit. Megjithatë, ai nuk flet ende dhe nuk është parë të ecë, dhe ndërveprimet me familjen mbeten të kufizuara.
Që nga dhjetori 2013, Schumacher është nën kujdes mjekësor të vazhdueshëm në Zvicër, ndërsa familja ka ruajtur gjithmonë diskrecion të plotë mbi gjendjen e tij.