Papa Françesku, i cili prej ditësh ndodhet i shtruar në spitalin Gemelli të Romës për shkak të problemeve të frymëmarrjes, mësohet se është në gjendje të qëndrueshme.
Kujtojmë se më 14 shkurt, Papa u shtrua me emergjencë si pasojë e pneumonisë bilaterale e cila i vështirësoi së tepërmi frymëmarrjen.
Mediat e huaja bëjnë me dije se gjatë trajtimit, gjendja e tij shëndetësore ka pasur përmirësime dhe ai nuk ka nevojë për ventilim mekanik, pra nuk ka nevojë për frymëmarrje të asistuar.
Vatikani raportoi se Papa ka kaluar një natë të qetë dhe pa komplikacione.
Në javët e fundit, Papa pati një ngushtim të rrugëve të frymëmarrjes, i ngjashëm me një sulm astmatik, që kërkoi intervenim mjekësor, por tani gjendja është më e qëndrueshme.