Pasi Gjykata e Apelit rikonfirmoi dënimin me 1 vit burg për Ervin Salianjin, Prokuroria e Tiranës dërgoi mesditën e të premtes (27 shtator) shkresën me urdhrin në Kuvend.
Shkresa u firmos nga prokurorja Elona Alvora.
Urdhri ekzekutimit duhet t’i dorëzohet policisë, ndërkohë që më parë deputeti do të ftohet ta zbatojë atë vullnetarisht.
Më herët Kuvendi refuzoi kërkesën e grupit parlamentar të PD, për të mbledhur Këshillit për Mandatet Rregulloren dhe Imunitetin.
Të enjten e 26 shtatorit Apeli la në fuqi dënimin e Shkallës së Parë për Ervin Salianjin. Ai do të duhet të vuajë dënimin me 1 vit burg.
Rrjedhimisht ai humb mandatin e deputetit dhe mundësinë për të kandiduar në zgjedhjet e 2025.