MILANO– Kanë dalë detaje të reja sa i takon ngjares tragjike që ndodhi në Milano disa ditë më parë. Një 17-vjeçar vrau me thikë nënën, babanë dhe vëllanë e tij të vogël 12-vjeçar. Adoleshenti ka dëshmuar para hetuesve, se fillimisht ka vrarë të vëllanë, ndërkohë që ishte duke fjetur.
E pasi janë dëgjuar të qarat e të miturit janë zgjuar dy prindërit. “Babai po bërtiste duke më thënë të kërkoja ndihmë, ky ishte edhe momenti që e vrava.”- ka dëshmuar 17-vjeçari.
“Kur e kisha thikën në dorë nisa, e prej andej vendosa të mos ndalesha sepse do të ishte më keq. Nuk e mbaj mend sa thika i kam dhënë vëllait tim, kanë qenë shumë”.- ka thënë ai.
Gjithsej ishin 68 goditje me thikë. 17 për babain, 12 për nënën, rreth 40 për Lorenzo-n e vogël. Ndërsa flinte.
“E kisha menduar tashmë ta bëja, nuk ishte një ide që kisha mbrëmë. Mendova se duke i vrarë ata mund të jetoja në një botë të lirë, se duke u shkëputur nga familja mund të jetoj vetëm. Doja ta bëja një natë më parë, por nuk u binda, nuk më pëlqeu.” 17-vjeçari ka rrëfyer.
E megjithëse nga fjalët e tij sugjerohet se masakra ishte e paramenduar, avokati i tij sqaron: Ai po përjetonte shqetësime të rënda dhe po mendonte një mënyrë për të dalë prej saj, por jo duke i vrarë. Ndoshta ai thjesht mendoi se “po ikte nga shtëpia”.
Gjatë dëshmisë së tij me hetuesit, 17-vjeçari rrëfen çdo moment para vrasjes së shumëfishtë.
“Një mbrëmje shumë normale, unë dhe vëllai im ishim në një dhomë me disa miq, po luanim PlayStation. Pak pas orës dhjetë shkuam në shtrat. Më pas shkova në kuzhinë, mora thikën dhe kthehem në dhomën e gjumit. Aty ku vëllai i vogël nuk dyshon ndërsa fle i lumtur.”- shprehet ai.
Në fillim 17-vjeçari deklaroi se ka qenë babai ai që kishte vrarë nënën dhe djalin e mitur, e pas kësaj ai kishte vrarë të atin pasi pa skenën e tmerrshme. Më vonë ndryshoi versionin e historisë duke thënë para hetuesve se arsyeja që e çoi në aktin makabër, ishte fakti që ndjehej i huaj./Chronist.it