TIRANË- Ditën e sotme ka ndërruar jetë Enea Themollari, shtetasi i cili u plagos aksidentalisht nga sulmi me tritol që u vendos në derën e apartamentit me qera të dy motrave Nikolli.
Më 14 Korrik 2024, 26-vjeçari u dërgua menjëherë drejt spitalit të Traumës në Tiranë, e prej asaj kohe ai ka qenë në gjendje kritike për jetën në repartin e reanimacionit, ku fatkeqësisht s’ka mundur të mbijetojë si shkak i plagëve të marra.
Aso kohe, por edhe në vazhdim motrat Nikolli deklaruan se autor i kësaj ngjarje është Nuredin Dumani, i njohur ndryshe si i penduari i drejtësisë.
Dy vajzat thonë se kanë bërë kallëzim që porositës i shpërthimit me tritol ka qenë, Dumani, e sipas tyre policia nuk ka bërë punën e saj në këtë rast. Madje ato kanë thënë edhe se Nuredin Dumani po mbrohet nga kushëriri i tij, Kreu i SPAK, Altin Dumani.
Në të gjithë këtë histori, Enea Themollari, vetëm 26 vjeç, është viktima e pafajshme.
LEXO EDHE:
Berisha: Altin Dumani privilegjon kushëririn e tij vr*sës, Nuredin Dumanin