Shpërthimi me tritol që ndodhi dy ditë më parë në Elbasan ka lënë të plagosur një 26-vjeçar i cili nuk ishte objektivi. Nga njoftimet e policisë është mësuar se lënda plasëse është vënë para derës së apartamentit me qera që kishin dy gra.
Bëhet fjalë për Xhovana Nikolli, e cila ishte shenjestra e atentatit me eksploziv në Elbasan. Ajo sëbashku me nënën e saj, ishte larguar nga Lezha dhe banonte në qytetin e Elbasanit.
Dyshohet se incidenti ka ndodhur, pasi Nikolli publikoi një video ditën e djeshme.
Në video ajo përmed Nuredin Dumanin dhe i bënte thirrje që ta “mbante” dashnoren e tij, duke thënë se kishte probleme serioze me të.
Kush është Xhovana Nikolli?
Xhovana Nikolli është e dashura e Amarildo Nikollit, e njohur edhe në rrjetet sociale me videot të cilat janë bërë virale duke treguar jetën luksoze që bën.
Nga ana tjetër i dashuri i saj Amarildo Nikolli (Xhanej) përpara autoriteteve ka zbardhur ngjarje kriminale të ndodhura në Vlorë, Tiranë dhe Shkodër si dhe ka përmendur emra të njohur të botës së krimit që i janë futur këtij aktiviteti kur ai ndoshta ka qenë vetëm 10 vjeç.