TIRANË – Kuvendi i Shqipërisë u ka dërguar një e-mail deputetëve ku shfaqet një listë me një sërë personalitetesh që kanë lindur në muajin tetor, të cilët duhen nderuar për kontributin e tyre ndaj Shqipërisë.
Mes shumë emrave, ku lista fillon me të lindurin e parë gjatë muajit tetor, Sulejman Delvina dhe më pas vijon me emra si Ahmet Zogu, Bashkim Fino, Dirtëro Agolli dhe Migjeni.
Gjithashtu një emër që ka çuditur të gjithë është edhe ish-diktatori Enver Hoxha ku në përshkrimin e vendosur nga Biblioteka e Kuvendit thuhet se Hoxha ishte Hero i Popullit dhe i Partisë Socialiste.
Përshkrimi që është zgjedhur për ish-diktatorin, ka shkaktuar reagime tek deputetët e opozitës.
Deputeti i Partisë Demokratike Belind Këllçi ka reaguar përmes një postimi në rrjetet sociale ku ka thënë se këto janë tendenca për të manipuluar historinë ku krimielët shfaqen si heronj.
