Xhovana Nikolli dyshohet se ishte shënjestra e atentatit me eksploziv mbrëmjen e 13 korrikut në Elbasan.
Shpërthimi i eksplozivit në pallatin ku jetonte Nikolli, shkaktoi plagosjen e rëndë të fqinjit të saj , 26-vjeçarit Enea Themollari.
Xhovana njihet dhe si partnerja e Amarildo Nikollit (Xhanej), një vrasës me pagesë, i njohur me nofkën “Shkodrani” i cili aktualisht ndodhet në qeli për atentatin e orgaznizuar ndaj Inez Hajrullës, në gusht të 2023.
Nikolli, pas arrestimit të partnerit të saj Amarildo Nikolli së bashku me motrën dhe mbesën, ishte larguar nga Lezha dhe ishte shpërngulur në Elbasan.
Xhovana mori vëmendjen e mediave që me postimin e një videoje në rrjetin social Tik-Tok.
Ajo shfaqet me vello të bardhë pranë ambjenteve të burgut 313,Tiranë.
“Bashkë në të mirë e në të keq, derisa vdekja të na ndajë. Gëzuar 2-vjetorin jeta ime. Nuk na ndal asgjë në botë që të martohemi. Gjithmonë do jem me ty”, shkruante Nikolli në rrjetet e saja sociale.
Nuk janë zbuluar akoma motivet se përse Nikolli ishte shënjestër e sulmit.
Deri tani për ngjarjen nuk ka asnjë person të identifikuar që ka vendosur lëndën plasëse.
Por, Xhovana Nikolli, pak ditë para shpërthimit me lëndë plasëse, ka shpërndarë një video live gjatë së cilës përmendi të dashurën e të penduarit të SPAK, Nuredin Dumani.
Gjatë videos dallohet qartazi që me tone kërcënuese Xhovana Nikolli thotë: “O Nuredin Dumani të bëj thirrje ta mbash të dashurën tënde ti, se po ta kapa këtu nëpër Itali se ke idenë ça mund t’i bëj….”