Një ngjarje e rëndë është shënuar pasditen e kësaj të mërkure në kryeqytet. Shtetasi A.S, rreth 57 vjeç, me detyrë Specialist i Qarkullimit Rrugor Tiranë, u gjet në tokë në gjendje të rëndë shëndetësore, njoftoi Policia e Tiranës.
Sipas bluve, ai dyshohet se ka rënë nga lartësia e një pallati.
Por ngjarja sipas mediave është më e thellë se kaq. VNA.al raporton se polici është hedhur nga pallati, jo ka rënë.
Ai është polici i qarkullimit rrugor që ndaloi djalin e biznesmenit Samir Mane para disa ditësh.
Ngjarja ka ndodhur në rrugën “Kongresi i Manastirit” dhe sipas burimeve polici A.S ndodhet në gjendje të rëndë, raporton VNA.al.
Në momentin që është hedhur nga pallati 11 katësh, ai ka mbetur te kabllot e internetit dhe më pas është përplasur.
Sakaq, portali Prapaskena raporton se polici quhet Azbi Spahiu.
Tiranë/Informacion paraprak
Me datë 15.01.2025, në rrugën “Kongresi i Manastirit”, dyshohet se ka rënë nga lartësia e një pallati shtetasi A.S, rreth 57 vjeç, me detyrë Specialist i Qarkullimit Rrugor Tiranë, i cili ndodhet në spital, nën kujdesin e mjekëve.
Grupi Hetimor po punon për sqarimin e plotë e rrethanave të ngjarjes.
Arrestohet pranë Parlamentit djali i Samir Manes, policia sqaron ngjarjen ku u përfshi 28-vjeçari