Ministri i Ekonomisë, Blendi Gonxhja njoftoi se janë hapur aplikimet për punonjësit e administratës publike për kredi me 0% interes për blerjen e një shtëpie.
Nëpërmjet një postimi të bërë në rrjet ministri shkruan se të interesuarit duhet që të mos kenë banesë në pronësi apo në proces legalizimi, të mos zotërojnë pasuri të paluajtshme dhe të mos jenë përfitues nga programe të tjera të strehimit social.
Më tej Gonxhja thekson se do të jenë 530 punonjës të administratës dhe se financimi do të jetë sipas çmimit të referencës.
Aplikimet do të jenë të hapura për 1 muaj.