Konfirmohet viktima e parë nga zjarret shkatërruese që po përfshijnë vendin. Në Gramsh, një person i moshuar rreth 80 vjeç ka ndërruar jetë si pasojë e asfiksisë nga tymi i dendur i zjarreve.
Situata në këtë zonë është shumë kritike, pasi zjarri ka krijuar dy fronte aktive dhe të rrezikshme, të cilat po kërcënojnë banorët dhe infrastrukturën lokale. Për shkak të rrezikut të lartë, Ministria e Mbrojtjes ka marrë vendimin për të evakuuar menjëherë banorët e tre fshatrave përreth: Kullollas, Bletëz dhe Menkollarë.
Në terren janë angazhuar forca të shumta të Policisë, Forcave të Armatosura dhe shërbimeve zjarrfikëse, të cilët po punojnë intensivisht për të kontrolluar situatën dhe për të parandaluar përhapjen e mëtejshme të flakëve. Evakuimi i banorëve po zhvillohet në mënyrë të organizuar, ndërsa autoritetet kërkojnë kujdes maksimal nga qytetarët dhe respektim të urdhrave për shkak të rrezikut serioz që paraqet zjarri.
Radar.al