David Tukiçi, kompozitori i njohur, në një intervistë për News24 komentoi dhe artisten e njohur Parashqevi Simakun dhe lidhjen e tij me talentin e saj.
Tukiçi u shpreh se ai ishte i pari që e zbuloi talentin e Parashqevisë kur ajo ishte pjesë e zborit në Kavajë, pas mbarimit të shkollës së lartë.
Sipas tij, Parashqevi në atë periudhë ishte e re dhe një vajzë simpatike.
Më pas, kompozitori tregon se ka punuar në RTSH, ku propozoi që Parashqevi të këndonte dhe ajo mori pjesë në festival, duke lënë një gjurmë të thellë dhe duke u nderuar me çmime për performancën e saj.
David Tukiçi: Parashqivi Simaku ka qenë një talent, që e kam zbuluar në vitet 1980. Pasi mbarova shkollën e lartë për kompozitor, më caktuan të bëj zborin në Kavajë. Simaku ishte një vajzë që kishte talent bio, ishte tepër e re. E zbulova Parashqevi Simakun si talent. Ishte një vajzë shumë e brishtë, simpatike. Unë kompozova një këngë atje dhe e këndova në duet me Parashqevinë. Isha i pari që e aktivizova. Unë punova më vonë në RTSH dhe atje e propozova që të këndonte dhe ajo këndoi dhe mbeti në memorien e shqiptarëve. Më tej nuk e kam parë më. E pashë videon tani. Traumat e jetës e plagosin njeriun. Por unë mendoj se Parashqevia mund ta marrë veten. Nëse ndihmohet nga shteti, mund ta marrë veten patjetër, për të qenë Parashqevia që ka qenë dikur.
LEXO EDHE:
Parashqevi Simaku këndon sërish shqip, video emocionuese nga Nju Jork e artistes së madhe