Komisioni i Ankimimeve dhe Sanksioneve ka rrëzuar ankimimin e Altin Goxhajt për ndryshime në fletën e votimit për zgjedhjet e 11 majit.
Altin Goxhaj Kryetari i Partisë Aleanca Konservatore për Shqipërinë ka dorëzuar në 18 Mars një ankimim pranë Komisionit të Ankimimeve dhe Sanksioneve (KAS). Goxhaj ka kërkuar që gërmat në fletën e votimit të jenë të gjitha kapitale. Një kërkesë tjetër e Goxhajt ka qenë dhe vendosja e mbiemrave me bold.
Sipas KAS ankimimi i kreut të Konservatorëve është rrëzuar.
KAS pasi shqyrtoi çështjen me tërësi, me shumicë votash vendosi rrëzimin e kërkesës ankimore numër 6 datë 19.03.2025 të Partisë Aleanca Konservatore për Shqipërinë, lënien në fuqi të vendimit numër 287, datë 18.03.2025 të Komisionerit Shtetëror të Zgjedhjeve për miratimin e përmbajtjes së fletës së votimit për zgjedhjet e Kuvendit më datë 11 Maji 2025. Ky vendim hyn në fuqi menjëherë dhe shpallet në faqen zyrtare të KQZ. Ndaj këtij vendimi mund të shtrohet ankimimi.-shprehet zyrtarisht KAZ në deklaratë