Një ngjarje e rëndë ka ndodhur ditën e sotme mes disa të rinjve në Holandë, çka përfundoi në plagosjen e disa personave.
Mediat e huja raportojnë se bëhet fjaqlë për një sulm masiv me thikë, ku u përfshi dhe një oficer policie.
Ky I fundit mësohet të ketë mbetur i plagosur për rrjedhojë të ngjarjes, dhe ndodhet në gjendje të rëndë shëndetësore.
Autoritetet vendase bëjnë me dije se ngjarja e rëndë ndodhi afro orës 6 të mëngjesit të ditës së sotme.
“Ka disa viktima, përfshirë një koleg. Ambulanca të shumta janë në vendngjarje”, njoftoi Politie Eenheid Noord-Holland në një deklaratë.
Në vendngjarja thuhet se mbërrit menjëherë një helikopter, 6 ambulanca dhe dy ekipe traumash.
Pamjet nga vendi i ngjarjes treguan një kordon policie që shënonte një zonë në qytet.
Ndërsa mësohet se oficeri i plagosur është dërguar në spital, me një makinë policie “të lyer me gjak”.
Nuk ishte menjëherë e qartë se çfarë e shkaktoi incidentin, ndërsa policia po vijon hetimet për zbardhjen e plotë të ngjarjes.
