ABU DHABI- Kryeministri Edi Rama gjatë fjalës së tij në një panel në Abu Dhabi ka deklaruar se puna në energjinë diellore dhe energjinë e erës do të do ta bëjnë Shqipërinë vend sovran në energji elektrike.
Shefi i qeverisë shpreh se nëse puna ecën normalisht në fund të vitit 2028, Shqipëria nuk do të blej më energji nga jashtë. Ai theksoi se kanë një bashkëpunim strategjik me Emiratet e Bashkuara Arabe, duke falënderuar kështu udhëheqësin e vendit.
“Kemi burimet hidrike dhe jemi 100% me energji të ripërtëritshme. Jemi tek niveli më i lartë i renditjes. Burime ujore do të thotë që ne varemi nga humori i Allahut. Kështu na duhet ti drejtohemi importit dhe kjo bëhet e vështirë. Në këtë dekadë të fundit kemi bërë të mundur që të investojmë në energjinë diellore dhe atë të erë. Pra të mos kemi më nevojë t’i drejtohemi importit dhe të jemi sovranë. Plani po ecën mirë dhe besoj se në fund të 2028 do jemi sovranë dhe nuk do blejmë energji nga jashtë. Po ashtu kemi një bashkëpunim strategjik dhe kjo ka ndodhur falë, udhëheqësit tuaj të madh që ka vizionin që shkon përtej kufijve. Ai mendon t’i shërbejë njerëzimit dhe të prekë jenë e qindra miliona njerëzve jashtë vendit tuaj.”- tha Rama./Radar.al