Një problem teknik i papritur detyroi autoritetet britanike të ndalonin përkohësisht të gjitha fluturimet që niseshin nga aeroportet kryesore të Londrës, Edinburgut dhe Birmingamit pasditen e 30 korrikut. Fluturimet hyrëse nuk u prekën nga ndërprerja.
Autoriteti i kontrollit të trafikut ajror, NATS, konfirmoi se pas orës 18:30 defekti u eliminua dhe nisjet rifilluan gradualisht, por paralajmëroi për vonesa dhe riorganizime të orareve.
Pasagjerët u këshilluan të kontrollojnë kompanitë ajrore për informacione të përditësuara, ndërsa shumë prej tyre raportuan se qëndruan për orë të tëra në pistë duke pritur leje për ngritje. Shkaku i saktë i problemit teknik ende nuk është bërë publik.