TIRANË-Ditën e djeshme balerina e njohur shqiptare, Isida Mollaymeri ka qenë e ftuar në emisionin “Big Brother Radio” me Elona Duro në Top Albania Radio.
Duke komentuar dinamikat e ndodhura gjatë 24 orëve të fundit, theksojmë se një ndër temat më të diskutuara në këtë intervistë kanë të bëjnë me tepër me Danjën.
Kjo e fundit është bërë pjesë e shtëpisë së BiG Brother VIP jo prej fillimi të edicionit. Për faktin se Isida është ndër mikeshat e saj më të mira, kanë diskuar për lojën e banores në këtë format.
Danja është një ndër personazhet më të komentuara të këtij edicioni, për shkak të qetësisë, maturisë dhe feminilitetit të saj që tregon në çdo situatë kaotike brenda shtëpisë. Si e njeh Isida Danjën jashtë BBV?
ISIDA: Danja është ashtu siç është aty. Është një vajzë me këmbë në tokë. Është një vajzë që nuk ta përton. Sigurisht ka atë mënyrën e vet të edukuar për të t’i thënë gjërat, por kur nuk na e përton ne që rrimë bashkë dhe kur nuk ja përton njerëzve që do, imagjino të tjerëve. Është ajo vajza që ta vë kufirin aty ku ajo do gjithmonë dhe atyre që ajo do gjithmonë. Nuk ka qenë kurrë grindavece as në shoqëri. Përkundrazi kur ka ndonjë gjë të vogël midis nesh, ajo është munduar gjithmonë ta sheshojë. Ka këtë qetësinë vrastare. Për shembull, unë jam një natyrë me temperament komplet tjetër. Një nga gjërat inteligjente që ajo ka është kjo qetësia me gjërat që ajo i bën, mënyra se si i zgjidh edhe problemet, mënyra se si i kalon edhe ato situatat e vështira, ose merr atë qëndrimin e saj. Ashtu është edhe në jetë. Nuk është se ne po shohim një Danja ndryshe./Radar.al